Plantun de Prouvènço

Pèr coumpara dos planto d'encò nostre

Myosotis laxa & Aloina ambigua

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 4 à 6 mm
Flourido : Estiéu

Sòu : Si
Autour basso e auto : 0 à 600 m
Aparado : Noun
Abriéu à jun

Liò : Ribiero - Prado umido - Palun - Roubino
Estànci : Mesoumediterran à Mountagnard
Couroulougi : Bourealo
Ref. sc. : Myosotis laxa Lehm., 1818

Alouessoun-à-double-entèndre

Aloina ambigua

Pottiaceae

Nom en français : Alouine ambigüe.

Descripcioun :
Aquelo mousso coumuno trachis en gazoun dense verd o un pau jauno. Se recounèis à si fueio espesso, en lanço, emé lou bout redoun (cucula). Fai souvènt d'espouroufite bèn que siegue diouïco e alor acò douno uno coulour pu bruno e rouginello au gazoun. Trachis sus li sòu argielous e sablous souvènt proche d'oustau.

Usanço :
Es proche d'àutri meno dóu meme gènre. Se destrìo de Aloina aloides que trachis dins li mémi relarg, pamens se n'en destrìo bonodi la membrano dóu peristome que sort de l'urno (se vèi pas pèr A. aloides), e peréu emé soun bout de fueio redoun (pounchu pèr A. aloides) e sis espouroufite mai dre (clina pèr A. aloides).